காடை

காடை வளர்ப்பு : மாதம் ரூ. 30,000 கலக்கல் வருமானம் கொடுக்கும் காடை முட்டை!

4963

காடை வளர்ப்பு | மாதம் ரூ. 30,000 கலக்கல் வருமானம் கொடுக்கும் காடை முட்டை!

பிராய்லர் கோழி முட்டைகளுக்கு மாற்றாகப் பெரும்பாலான மக்கள் அதிகம் விரும்புவது நாட்டுக்கோழி முட்டைகளைத்தான். அதற்கு அடுத்தபடியாகக் காடை முட்டை உள்ளது.

தேனி நகரின் வால்கரடு பகுதியில் காடைப் பண்ணை அமைத்து முட்டைகள் உற்பத்தி செய்து வருகிறார் இளைஞர் அழகுராஜா அழகர்சாமி. அவரை நேரில் சந்திக்க அவரது காடைப் பண்ணைக்குச் சென்றோம்.

 

விளம்பரம் : முதல்தரமான நாட்டுக்கோழிகள் விற்பனை செய்ய முகவர்கள் தேவை : 88831 36152, 96777 11318

 

“என்னோட சொந்த ஊர் தேனி அன்னஞ்சி. எனக்கு 32 வயசாகுது. தனியார் டூவீலர் கம்பெனியில டெக்னிக்கல் மேனேஜராக 9 வருஷம் வேலை பார்த்தேன். விவசாயக் குடும்பத்துல பிறந்ததால சின்ன வயசுல இருந்தே விவசாயத்து மேல, ரொம்ப ஆர்வம். ஆடு, மாடு வாங்கி வளர்க்கலாம்னு நினைச்சேன். அப்போதான் யூடியூப்ல காடை வளர்ப்பு பத்திப் பார்த்தேன். நல்ல லாபம் கிடைக்கும்னு அதுல சொன்னாங்க. சரி, நம்மளும் முயற்சி செஞ்சிப் பார்க்கலாம்னு நினைச்சு, 2018-ம் வருஷம், வேலையை விட்டுட்டேன். காடைக் குஞ்சு எங்கே கிடைக்கும்னு தேடி அலைஞ்சேன். மதுரை சோழவந்தான்ல இருந்த ஒரு காடைப் பண்ணைக்குப் போய் 1,000 காடைக்குஞ்சுகளை வாங்கிட்டு வந்தேன். நான் வாங்கும்போது ஒரு குஞ்சின் விலை 5.50 ரூபாய். அதுக்குக் கூண்டுகள் தயாரிச்சு, தண்ணீர் கொடுக்க பீடிங் பைப்புகள், உணவு கொடுப்பதற்காகப் பீடர் எல்லாம் வாங்கினேன். ஆரம்பத்துல, கறிக்காகக் காடைகளை வளர்த்தேன். 30 நாள்கள்ல காடை, கறிக்குத் தயாராகிடும். அதாவது, 220 கிராம் எடையில இருக்கும். காடைக்குத் தனித் தீவனம் மார்க்கெட்டுல கிடைக்குது. 6 மாசம் கறிக் காடை மட்டுமே வளர்த்துக்கிட்டு வந்தேன். அப்போதான் மார்க்கெட்ல, காடை முட்டைக்கும் நல்ல வரவேற்பு இருப்பது தெரிஞ்சது. அதிலிருந்து இப்ப காடை முட்டை மட்டும் உற்பத்தி பண்ணிக்கிட்டு இருக்கேன்’’ என்றவர், கறிக்காடைக்கும், முட்டைக் காடைக்குமான வித்தியாசங்களைப் பகிர்ந்துகொண்டார்.

 

விளம்பரம் : முதல்தரமான நாட்டு சக்கரை மற்றும் மூலிகை பொருள்கள் விற்பனை செய்ய முகவர்கள் தேவை : 99441 86294

 

“கறிக்காடையைச் சாதாரணமா பண்ணைக் கோழிபோலத் தரையிலயே வளர்த்துடலாம். ஆனால், முட்டைக் காடையை ரொம்பக் கவனமா வளர்க்கணும். முட்டைக் காடையில ரெண்டு வகை இருக்குது. ஒண்ணு, சாப்பிடுற முட்டை உற்பத்தி. இன்னொன்னு குஞ்சு பொறிப்பதற்கான முட்டை உற்பத்தி. சாப்பிடுற முட்டைக்காக 500 காடைகள் வெச்சிருக்கேன். குஞ்சு பொறிப்பதற்காக 2,000 காடைகள் வெச்சிருக்கேன். சாப்பிடுற முட்டைக்கான காடை கூண்டுல பெண் காடைகள் மட்டும் இருந்தால் போதும். குஞ்சு பொறிப்பதற்கான முட்டை உற்பத்தி செய்யத்தான் ஆண் காடை வேணும். அதனால அந்தக் கூண்டுல 3 பெண் காடைக்கு ஒரு ஆண் காடை இருக்கணும். கூண்டுல அதிக காடைகளையும் போடக் கூடாது. ஒரு சதுர அடிக்கு 4 காடைகள் என்பதுதான் கணக்கு. பொதுவா, காடைகள் அனைத்து சூழலிலும் வளரும். வெயில், குளிர் எல்லாத்தையும் தாங்கி வளரும். கூண்டுல நெருக்கமா காடைகளை அடைச்சா, வெயில் காலத்தில இறந்து போக வாய்ப்புண்டு.

 

காடைக்கு நோய் எதிர்ப்பு சக்தி அதிகம். அதனால பராமரிப்பு அதிகம் தேவைப்படாது. எப்பவாவது சளிப்பிடிக்கும். நமக்குச் சளிபிடிச்சா மூக்குல சளி வடியுற மாதிரி, காடைக்கும் மூக்குல சளி வடியும். அப்போ அதுக்கான மருந்தை வாங்கிட்டு வந்து, தண்ணியில கலந்து ஸ்ப்ரே பண்ணுனா 4 நாள்ல சரியாகிடும். சளி சரியாகுற வரைக்கும் கம்மியாத்தான் முட்டை வைக்கும். எடையும் குறையும். 3 நாளைக்கு ஒருதடவை இடத்தைச் சுத்தம் பண்ணணும்.

 

நான் 5 சென்ட் நிலத்தில கிழக்கு மேற்காகப் பண்ணை அமைச்சிருக்கேன். கட்டடத்தைவிட 6 முதல் 7 அடி வரை உயரமாகக் கூரை இருக்கணும். அப்பத்தான் நல்ல காற்றோட்டம் இருக்கும். அதுதான் காடைகளுக்கு நல்லது. சிலர், முட்டைக் காடைகளைத் தரையில வளர்ப்பாங்க. அது சரியான முறை இல்லை. தரையில் இருக்கும்போது, முட்டைகள் உடைஞ்சுடும். அதனால, தேவையான வசதிகளோடு கூண்டுகளைச் செஞ்சு வளர்க்குறதுதான் சரியான முறை. கூண்டுகளை உள்ளூர் வெல்டிங் கடையிலேயே செய்யச் சொல்லலாம். நான் 10 அடி நீளம், 3 அடி அகலத்தில கூண்டுகளைச் செஞ்சிருக்கேன். பீடிங் பைப், உணவு பீடர் எல்லாம் நாமக்கல்ல கிடைக்குது. காடைக்குன்னு கேட்டால் போதும். கொடுப்பாங்க. நான், பீடர், பீடிங் பைப்புகளோட கூண்டுகள் அமைக்க ரூ.1.5 லட்சம் செலவாச்சு. நாம பாதுகாப்பா வெச்சிருக்கிறதைப் பொறுத்து, 6 வருஷம் வரைக்கும்கூட இதை வெச்சுக்கலாம். இது இல்லாம பண்ணைக்கான செலவுனு பார்த்தா தீவனம் மட்டும்தான். 50 கிலோ மூட்டையா தீவனம் கிடைக்கும். 2,000 காடைகளுக்கு ஒருநாளைக்கு 100 கிலோ தீவனம் தேவைப்படுது. காடைக்கு எப்பவும் தண்ணீரும், தீவனமும் இருந்துகிட்டே இருக்கணும். இரவு 9 மணிக்கு மேல விளக்கு எரியக் கூடாது. விளக்கு வெளிச்சம் இருந்தா, பகல் பொழுதுலதான் இருக்கோம்னு நினைச்சு, காடைகள் தீவனம் எடுத்துகிட்டே இருக்கும்” என்றவர் காடை வளர்ப்பில் உள்ள லாபம் பற்றிப் பேசினார்.

 

காடை வளர்ப்பு : மாதம் ரூ. 30,000 கலக்கல் வருமானம் கொடுக்கும் காடை முட்டை!

“பெரும்பாலும் காடைக்கறியும், காடை முட்டையும் மக்கள் விரும்பிச் சாப்பிடுறாங்க. சாப்பிடுற ஒரு காடை முட்டையோட விலை 2.30 ரூபாய். குஞ்சு பொறிக்கிற முட்டையோட விலை 2.50 ரூபாய். என் பண்ணையில தினமும், சாப்பிடுற முட்டை 400, குஞ்சு பொறிக்கிற முட்டை 1,200-னு சராசரியா 1,500 முட்டைகளை உற்பத்தி செய்றேன். ஒரு வாரத்துல சராசரியா 10,000 முதல் 11,000 முட்டைகளை மதுரை, விருதுநகருக்கு அனுப்புறேன். ஒரு காடை பிறந்த 45 முதல் 50 நாள்கள்ல முட்டை வைக்க ஆரம்பிக்கும். தொடர்ந்து 10 மாசம் முட்டை வைக்கும். ஒரு காடையோட ஆயுட்காலம் 1 வருஷம்தான். பிறகு, அந்தக் காடைகளைக் கறிக்குக் கொடுத்துட்டு, மறுபடியும் குஞ்சு வாங்கி வளர்க்கலாம். அது 50 நாளுக்குள்ள முட்டை வைக்க ஆரம்பிச்சிடும்.

 

நான், முட்டை, குஞ்சு ரெண்டும் விற்பனை செய்றேன். மார்க்கெட் விலை ஒரு காடைக் குஞ்சு 8.50 ரூபாய். நான் 7 ரூபாய்க்குக் கொடுக்கிறேன். இப்படி, முட்டையாக இருந்தாலும் கறிக்காடையாக இருந்தாலும், காடைக் குஞ்சுகளாக இருந்தாலும் நல்ல விலை கிடைக்குது” என்றவர் நிறைவாக, “காடையில் நோய் பிரச்னைகள் இல்லை. இட வசதியும் பெருசாகத் தேவையில்லை. தீவனம், தண்ணீர் ரெண்டும் இருந்தால் போதும். நல்ல லாபம் எடுக்கலாம். கூண்டு, குஞ்சுகளுக்குச் செலவு செய்யுற பணத்தை 6 மாசத்துல எடுத்துடலாம். காடை வளர்ப்பை முறையா செஞ்சா நஷ்டம் இருக்காது” என்றார் அழுத்தமாக.

தொடர்புக்கு, அழகுராஜா, செல்போன்: 63808 93271

நன்றி
பசுமை விகடன்

 

 

காடை வளர்ப்பு இலவச பயிற்சிக்கு :
தொடர்புக்கு –9488565617, 7708820505
இயக்குநர்
பஞ்சாப் நேஷனல் வங்கி உழவர் பயிற்சி மையம்
பிள்ளையார்பட்டி

வேளான் அறிவியல் நிலையம்,
குன்றக்குடி, சிவகங்கை மாவட்டம் – 630 206
04577 264288

 

Keywords : காடை வளர்ப்பு, காடை வளர்ப்பு பயிற்சி 2020, காடை வளர்ப்பு பயிற்சி 2021, காடை ஏற்றுமதி, காடை வளர்ப்பு pdf, காடை குஞ்சு பொரிப்பது எப்படி, காடை கறி விலை, காடை வளர்ப்பு முறைகள்

மாதம் 1 இலட்சதிற்கும் மேற்பட்ட பார்வையார்களை கொண்ட நமது இணையத்தில் விளம்பரம் செய்து பயன்பெறுங்கள். விளம்பரம் செய்ய தொடர்பு கொள்ள வேண்டிய மின் அஞ்சல் முகவரி :   siruthozhilmunaivor@gmail.com


மேலும், புதிய தொழில் சார்ந்த ஆலோசனை கட்டுரைகள், தொழில் நுட்ப கட்டுரைகள், மார்க்கெட்டிங் உத்திகள், மனிதவள மேன்பாடு கட்டுரைகள், மருத்துவ குறிப்புகள், விவசாய செய்தி மற்றும் கட்டுரைகள், போன்றவை வரவேற்கப்படுகின்றது.தொடர்பு கொள்ள வேண்டிய மின் அஞ்சல் முகவரி :   siruthozhilmunaivor@gmail.com


குறிப்பு:
கட்டுரை ஆசிரியர் அல்லது விளம்பரதாரை தொடர்பு கொள்ளும் பொழுது சிறுதொழில்முனைவோர்.காம்-வில் பார்த்ததாக நினைவு கூறவும். நண்பர்களுக்கு பகிரவும். நன்றி

அதிக இலாபம் தரும் மூன்று சுய தொழில்கள், பயிற்சி இலவசம்

 

அருகம்புல் சாகுபடி மாதம் 50,000 அசத்தல் வருமானம்

 

நாட்டுகோழி வளர்ப்பில் அதிக இலாபம் கண்ட பாரதி




One thought on “காடை வளர்ப்பு : மாதம் ரூ. 30,000 கலக்கல் வருமானம் கொடுக்கும் காடை முட்டை!

Leave a Reply

Your email address will not be published. Required fields are marked *